السبت, 11 أكتوبر 2014 00:00

الغربة

Rate this item
(0 تصويت)

كتير باحس بالغربة
لما تيجي 100 رسالة
مالقيش فيهم واحدة منك
..
لما اكون في حفلة ضخمة
فيها 1000 واحد
و تجري عيني بين العيون
ما تحضنهمش عينيكي
..
لما اتوه في الأماكن
وانا بادور على خطاكِ
..
ولما اسمع كلام كتير
و ما اسمعش اسمك
..
لما في قلب الزحمة
ما يطمنيش صوت همسك
..
لما في عز الشمس
و ياكل جسمي البرد
قربك بس بيدفيه
..
لما سريري من صغري
يطردني من عليه
و يقولي مالكش عندي نوم
لغاية ما تلاقيه

Read 2122 times آخر تحديث الجمعة, 13 فبراير 2015 06:04

شادي أحمد

عرفت الله من باب الحب
وتشرف قلبي بحب أحب خلقه صلى الله عليه و سلم
و طُبع في القلب حب امرأة واحدة، هي حبيبتي وصديقتي وابنتي ورفيقة دربي وزوجتي
أحب الصالحين ولست منهم
وأحب خلق الله واعتبر نفسي أقلهم
أمانة عليك ياللي دخلت الصفحة تدعيلي وزوجتي بظاهر الغيب
يزيدنا ربنا من حبه
ويفرج عنَّا كل كرب
و يبعد عنَّا أذى العين
و ليك -يا رب- بالمثل
و صل يا رب على الحبيب المحبوب

Website: shadyahmed.com

كتابات أخرى لـ شادي أحمد

المزيد: « الملام آدم و حوا »
back to top