الجمعة, 26 سبتمبر 2014 00:00

الإخلاص

Rate this item
(5 تصويت)

اخلاصي ليكي
زي ورقة شجر
بتقاوم الريح العتية
مش عايزة تسيب أصلها
..
ولو وقعت
غصب عنها
ما بترضاش تطير بعيد
و تفضل جنب جزع الشجرة
تبوس أرضها
..
ولو طارت
بتلف حواليها
تتغزل في شكلها
..
ولو راحت بعيد
عنيها دايماً عليها
و صورتها ما بتفارق قلبها
..
اخلاصي ليكي
زي نقطة مية في موجة
بتحب تلعب وتجري بعيد
و ترجع تاني
حافظة مكانها
..
الاخلاص يا حبيبتي
مش اتنين مع بعض
لإنهم مع بعض
..
الاخلاص
قلبين ويا بعض
حتى لو الظروف بتفرق ما بينهم
بس هم ببعض أقوى

Read 2470 times آخر تحديث الجمعة, 13 فبراير 2015 06:04

شادي أحمد

عرفت الله من باب الحب
وتشرف قلبي بحب أحب خلقه صلى الله عليه و سلم
و طُبع في القلب حب امرأة واحدة، هي حبيبتي وصديقتي وابنتي ورفيقة دربي وزوجتي
أحب الصالحين ولست منهم
وأحب خلق الله واعتبر نفسي أقلهم
أمانة عليك ياللي دخلت الصفحة تدعيلي وزوجتي بظاهر الغيب
يزيدنا ربنا من حبه
ويفرج عنَّا كل كرب
و يبعد عنَّا أذى العين
و ليك -يا رب- بالمثل
و صل يا رب على الحبيب المحبوب

Website: shadyahmed.com

كتابات أخرى لـ شادي أحمد

المزيد: « الأمان الملام »
back to top